Парижда спортчиларга озиқ-овқат етказиб беришда муаммолар кўзга ташланмоқда

Спортчилар Париждаги Олимпия шаҳарчасининг асосий ресторанида озиқ-овқатнинг етарли эмаслиги ва баъзи маҳсулотларни қайта етказиш тезлиги пастлиги ҳақида шикоят қилишди.

Мисол учун, 24-июль, чоршанба куни нонушта учун тухум етишмади. Овқатланиш учун масъул бўлган компания, спортчиларнинг фикр-мулоҳазаларига жуда жиддий муносабатда бўлишини ва етказиб бериш устида фаол ишлаётганини айтди.

Таъкидланишича, тухум ва гўшт каби баъзи маҳсулотларнинг етказиб бериш ҳажми оширилди.

Ўйинлар вақтида 600 тонна миқдоргача озиқ-овқат маҳсулотларини етказиб беришга масъул бўлган Carrefour компанияси бу борадаги сифатни қайта кўриб чиқишини айтди.