Жанубий кореялик спортчи Олимпиада рекордини ўрнатди

Жанубий кореялик спортчи Ойе Жин Парижда (Франция) бўлиб ўтган Олимпиадада 10 метрга пневматик тўппончадан отиш бўйича 243,2 балл билан Олимпия рекордини ўрнатди.

Яна бир жанубий кореялик спортчи Ким Йе Жи 241,3 балл билан кумуш медалга сазовор бўлди. Бронза медали ҳиндистонлик Ману Бхакерга насиб этди (221,7).

Жанубий Корея терма жамоасида аллақачон Париж Олимпиадасида иккита олтин медал бор. Бхакер Ҳиндистон терма жамоасига илк медални тақдим этди.