UFC 326. Оливейра Ҳоллоуэйни мағлуб этиб, BMF камарини қўлга киритди

АҚШнинг Лас Вегас шаҳридаги “Т-Mobile” аренада бўлиб ўтган UFC 326 турнири якунланди.

Кечанинг марказий жангида Макс Ҳоллоуэй ва Чарлз Оливейра ўзаро тоқнаш келди. Беш раунд давом этган қизғин баҳсда Оливейра ҳакамларнинг якдил қарори билан (50:45, 50:45, 50:45) ғалаба қозонди.

Шу тариқа, Оливейра BMF титулини қўлга киритди. Эндиликда бразилиялик жангчи ҳисобида 37 та ғалаба ва 11 та мағлубият бор. Ҳоллоуэй ҳисобида эса 27 та ғалаба ва 9 та мағлубият мавжуд. Икки жангчи илк бор 2015 йилда ўзаро тўқнаш келишган ва ўшанда Ҳоллоуэй техник нокаут эвазига ғалаба қозонган эди.