Олимпия ўйинларининг очилиш маросимида 19 киши ҳибсга олинди

Франция полицияси 26-июль, жума куни Парижда (Франция) Олимпия ўйинларининг очилиш маросимида 19 кишини ҳибсга олди.

Бу ҳақда Франция ички ишлар вазири Жералд Дарманиннинг France 2 телеканалидаги баёнотига таяниб, “ТАСС” хабар бермоқда.

«Кеча кечқурун 19 киши ҳибсга олинди», деди Дарманин. У ҳибсга олиш сабабларига аниқлик киритмади.

Бундан ташқари, вазирнинг таъкидлашича, расмийлар жамоат тартибининг жиддий бузилишининг олдини олишга муваффақ бўлишган.