АҚШ баскетбол жамоаси Олимпиадани ютса, қанча миқдорда мукофот пули олади?

Баскетбол бўйича АҚШ миллий терма жамоаси аъзоларининг Олимпия ўйинларида олтин медал қўлга киритса, қанча миқдорда мукофот пули олишлари маълум бўлди.

Нуфузли Форбес журнали маълумотларига кўра, ҳар бир америкалик спортчи Олимпиада олтин медали совриндори бўлса, 37,5 минг доллар олади.

Бугун Олимпиада доирасида эркаклар ўртасида баскетбол бўйича мусобақа бошланди. АҚШ амалдаги Олимпия чемпиони ҳисобланади.

Токиода бўлиб ўтган ўйинларда америкаликлар Франция терма жамоасини мағлуб этишган.