Бразилиялик спортчилар маҳаллий Олимпия қўмитаси томонидан жазоланди

Бразилия Олимпия қўмитаси расмий сайти хабарига кўра, Ана Каролина Виейра ва Габриэль Сантос 26-июль, жума куни Олимпия шаҳарчасини рухсатсиз тарк этган.

27-июль, шанба куни Бразилия Олимпия қўмитаси сузиш бўйича миллий терма жамоа раҳбари Густаво Отсукадан сузувчилар томонидан тартиб-интизом бузилгани ҳақида маълумот олди.

«Бразилия Олимпия қўмитаси бу спортчиларни Олимпия қишлоғини рухсатсиз тарк этганликлари учун жазолашга қарор қилди.

Бундан ташқари, спортчи Ана Каролина Виейра сузиш бўйича Бразилия терма жамоаси комиссияси томонидан қабул қилинган қарорга ҳурматсизлик ва тажовузкорлик билан қарши чиқди.

Натижада Габриэль Сантос огоҳлантириш олди ва Ана Каролина Виейра делегация таркибидан чиқарилди», — дейилади ташкилот баёнотида.

Спортчи тез орада Бразилияга қайтади.