Украиналик Магучих Парижда ўз дастурида саралашдан ўтди

Украиналик Ярослава Магучих Париждаги Олимпиадада баландликка сакраш бўйича саралашдан ўтди.

Унинг натижаси 1,95 м эди.

Магучих — турнирнинг асосий фаворити. Июль ойи бошида украиналик спортчи 2,10 м натижа билан 1987 йилдан бери сақланиб келаётган Стефка Костадинованинг жаҳон рекордини янгилаган эди.

Шунингдек, Кипр шарафини ҳимоя қилган россиялик Елена Куличенко 1,92 м натижа билан Олимпиада мусобақасининг финалига чиқди.

У 2021-йилдан бери Кипр учун кураш олиб боради, спортчи мамлакатнинг байроқдори эди.