Олимпиадада сёрфинг бўйича ҳал қилувчи баҳслар муайян муддатга қолдирилди

Олимпиадада аёллар ўртасидаги сёрфинг бўйича баҳсларнинг сўнгги босқичлари тўлқинлар йўқлиги сабабли қолдирилди.

Ярим финал ва финал ўйинлари 4-август, якшанба куни бўлиб ўтиши керак эди, бироқ ташкилотчилар мусобақани камида 5-август, душанба кунига қолдиришга мажбур бўлди.

Ўйинлар Теахупоо шаҳрида бўлиб ўтади. Ўтган ҳафтада аёллар ўртасидаги 1/8 финал ва эркаклар ўртасидаги чорак финал ўйинлари ҳам тўлқин шаклланишига таъсир этувчи ноқулай шамол шароитлари туфайли қолдирилганди.