Аёллар терма жамоамиз жаҳон чемпионатларидаги натижасини янгилади!

Сербияда давом этаётган Жаҳон чемпионати доирасида бугун чорак финал баҳслари бўлиб ўтди. Якунларга кўра, 4 нафар боксчимиз ярим финал йўлланмасини ҳал этишди. Ушбу натижа аёллар боксимиз учун рекорд натижа ҳисобланади.

Сабаби, шу кунгача Жаҳон биринчиликларида энг юқори натижа фақатгина битта бронза медали бўлган. Бугунги баҳслардан сўнг 4 та медални нақд қилиб улгурдик. Эндиликда медалларни олтин қилиб олсак бўлгани.

Юқорига кўтарилишда давом этаётган Элшод Расулов бошчилигидаги жамоамизни ва боксчилар оиласини бугунги натижалар билан табриклаймиз. Ишонамизки ярим финал ва финал учрашувларида ҳам қизларимиз энг олди поғоналар билан бизни хурсанд қилади.

Финал учун рингга кўтариладиган вакилаларимиз билан танишинг:

— 48 кг: Фарзона Фозилова
— 50 кг: Сабина Бобоқулова
— 52 кг: Феруза Казакова
— 66 кг: Навбаҳор Ҳамидова

Манба: https://t.me/boxinguzbekistan