2022 йилги Олимпиада иштирокчиси Туркиядаги меҳмонхонада рўй берган ёнғинда ҳалок бўлди

Туркиялик чанғичи Беркин Уста Бурса яқинидаги Улудағдаги тоғ-чанғи курортидаги меҳмонхонада содир бўлган ёнғин оқибатида ҳалок бўлди, деб хабар бермоқда BBC.

25 ёшли спортчи Туркия тоғ чанғиси ва сноуборд ўқитувчилари уюшмаси президенти лавозимида ишлаган 57 ёшли отаси Яҳё Уста билан бирга ҳалок бўлди. Беркиннинг онаси реанимацияда.

Эрта тонгда ёнғин чиққан бинода меҳмонхона остида жойлашган тоғ-чанғи курортида ишлаётган 12 киши бўлган.

Беркин Уста 2022 йили Пекинда бўлиб ўтган Олимпиада ўйинларида Туркия номидан қатнашганди.