Бокс. Жаҳон кубогини 3 ғалаба билан бошладик

Бразилияда бокс бўйича Жаҳон кубоги старт олди. Мусобақанинг илк куни доирасида 3 нафар ватандошимиз рингга кўтарилиб, уларнинг барчаси ғалабани қўлга киритди.

Кунни Миразизбек Мирзахалилов кунни ғалаба билан бошлаб берди. Боксчимиз — 55 кг вазнда бўлиб ўтган баҳсда швециялик Небил Ибраҳимни 5:0 ҳисобида мағлубиятга учратди.

70 кг. вазн тоифасидаги боксчимиз Иқболжон Холдаров польшалик Дамиан Дуркачни 5:0 ҳисобида мағлуб этди.

Жавоҳир Умматалиев ( — 80 кг вазн) ҳам италиялик Алфред Коммей устидан ғалаба қозонди.

Бугун ҳам 3 нафар боксчимиз рингга кўтарилади.

Кун давомида Жаҳон кубоги доирасида саралаш жанглари давом эттирилади. Учрашувлар икки дастурда бўлиб ўтади.

Жуфтликлар билан танишинг:

— 60 кг: Мадияр Данияров — Мишель Бальдасси (Италия) 23:15
— 50 кг: Асилбек Жалилов — Нурзат Онгаров (Қозоғистон) 03:30
— 85 кг: Акмалжон Исроилов — Леонид Бериша (Швейцария) 04:45

Баҳслар Тошкент вақти билан 22:00 да старт олади.

Манба: stadion.uz