Бокс бўйича Жаҳон кубоги. Икки ғалаба ва икки мағлубият

Бразилияда бўлиб ўтаётган бокс бўйича жаҳон кубоги мусобақасида бугун навбатдаги вазн тоифаларида чорак финал жанглари ўтказилди. Унда 4 нафар ватандошимиз рингга кўтарилди.

Миразизбек Мирзаҳалилов иккинчи баҳсини ҳам ғалаба билан якунлади. Боксчимиз — 55 кг вазнда польшалик Николас Павликга ҳеч қандай имконият қолдирмади — 5:0.

— 70 кг вазнда бўлиб ўтган навбатдаги баҳсда, Иқболжон Холдаров англиялик Одел Камарага қарши баҳс олиб борди ва афсуски, ҳакамларнинг қарорларига кўра мағлуб бўлди.

Асадхўжа Мўйдинхўжаев — 65 кг вазнда мезбон боксчи Юри Рейсга қарши баҳс олиб борди ва ҳакамларнинг қарорларига кўра 2:3 ҳисобида мағлуб бўлди.

Жавоҳир Умматалиев — 80 кг вазнда АҚШ вакили Робби Гонсалесни 3:2 ҳисобида мағлуб этиб, кейинги босқичга йўл олди.

Манба: stadion.uz