Хоккей. Овечкин тарихий шайбани киритди

«Вашингтон Кэпиталз» жамоасининг россиялик ҳужумчиси Александр Овечкин НҲЛ тарихидаги энг яхши снайперга айланди ва Уэйн Грецкийнинг рекордини янгилади.

Овечкин навбатдаги мавсумнинг иккинчи бўлимида «Нью-Йорк Исландерс»га қарши ўйинда гол урди. Учрашувда 2:1 ҳисоби оролликлар фойдасига ҳал бўлди.

39 ёшли россиялик хоккейчи фаолияти давомида НҲЛда 1487 та ўйинда 895 та гол урган.

Учрашувда Овечкиннинг рафиқаси ва болалари, шунингдек, хоккейчининг онаси, баскетбол бўйича икки карра Олимпия чемпиони Татяна Овечкина иштирок этди.

Ўйин россиялик хоккейчини шарафлаш учун тўхтатилди.

Маълумот учун, Овечкин Россия терма жамоаси билан уч карра жаҳон чемпиони ва «Вашингтон» билан 2018 йилги Стенли кубоги ғолиби бўлиб, 2005 йилдан буён бутун НҲЛда фаолият олиб боради.