Ўзбекистон фахрига айланиб улгурган спортчимиз!

Шу кунларда оммавий ахборот воситаларида эришган натижаси билан кўпчиликни эътиборини қозонган Янина Кускова ёш бўлишига қарамай жаҳон велоспортида ном қозонган бир қанча савияли рақобатчиларни ортда қолдира олди.

Бутун дунё нигоҳи қаратилган «Tour El Salvador» мусобақаси УCИ таснифи бўйича 2.1 турдаги пойга бўлиб, бунда дунёнинг энг нуфузли про-тур жамоалари иштирок этади.

Янина Кускова ҳозирги пайтда Испаниянинг «Laboral kutxa team» жамоасида фаолият юритиб, «Tour El Salvador» турнирида бронза медалини қўлга киритди ва велоспорт бўйича Ўзбекистон миллий терма жамоаси ҳисобига 80 УCИ рейтинг очкосини келтирди.

Янина Кускова ушбу муваффақияти орқали — дунёга юртимизда бошқа спортлар қатори велоспорт ҳам тобора ривожланиб, равнақ топаётганини амалда кўрсатиб бера олди.

Манба: Minsportuz