Бокс. Саидраҳимов россиялик боксчини муддатидан олдин мағлуб этди

Хабар берганимиздек, кеча тунда Россия Федерациясининг Челябинск шаҳрида «IBA.Pro 2» профессионал бокс турнири бўлиб ўтди.

Биз учун аҳамиятлиси, ушбу оқшом доирасида ўзбекистонлик икки боксчи ҳам рингга кўтарилди ва уларнинг ҳар иккиси ҳам россиялик рақибларини мағлуб этишди.

Жумладан, Мадияр Саидраҳимов олти раундлик жангда мезбонлар вакили Андрей Стоцкийни муддатидан аввал таслим этди. Бу Мадиярнинг проф боксдаги иккинчи ғалабаси бўлди.

Манба: Ўзбекистон профессионал бокс федерацияси матбуот хизмати