UFC. Ислам Махачев чемпионлик камаридан маҳрум бўлиши мумкин

Енгил вазн тоифасида UFC чемпиони бўлган россиялик спортчи Ислам Махачев чемпионлик камаридан айрилиши мумкин. Бу ҳақда Испаниянинг ABS.es нашрига таяниб Championat хабар берди.

Манбага кўра, бу ҳолат Махачев испан-грузин жангчиси Илия Топурия билан жанг қилишдан бош тортган тақдирда рўй бериши мумкин. Айни пайтда россиялик спортчининг жамоаси ушбу жангга розилик билдирганини расман тасдиқламаган.

Агар Махачев жангга чиқишни рад этса, UFC уни чемпионликдан маҳрум қилиши мумкин. Бундай вазиятда Топурия чемпионлик учун бразилиялик собиқ чемпион Чарльз Оливейра билан жанг қилади.

Қайд этилишича, бу қарор UFC 317 турнирининг асосий жанги — Дрикус Дю Плесси ва Ҳамзат Чимаев ўртасидаги баҳс бекор бўлгач қабул қилинган. Сабаби Ислом ҳам жанг қилишдан бош торца, бу турнир кўпчиликда қизиқиш уйғотмаслиги мумкин.

UFC мазкур турнирни юқори даражада ўтказиш мақсадида асосий жанг сифатида енгил вазн тоифасидаги титул баҳсини режалаштирмоқда. Айни дамда Илия Топурия бу жангга тайёргарликни бошлаб юборганини ижтимоий тармоқлар орқали эълон қилди.

Манба: daryo.uz