Шаҳрам Аҳадов Осиё чемпиони, яна икки дзюдочимизда бронза

Бангкок шаҳри мезбонлик қилаётган дзюдо бўйича Осиё чемпионатининг бугунги куни Ўзбекистон терма жамоаси учун омадли ўтди.

Спортчиларимиз ушбу кун дастурида 1 та олтин ва 2 та бронза медалларига сазовор бўлишди.

— 73 кг вазн тоифасида иштирок этган Шаҳрам Аҳадов барча рақибларини мағлубиятга учратиб, совринлари қаторига қитъа чемпионлигини ҳам қўшиб қўйди.

Шунингдек, Шукуржон Аминова ҳамда Арслон Тожиев ҳам ўз вазн тоифаларида шоҳсупага кўтарилишди.

Олтин медал:
— 73 кг: Шаҳрам Аҳадов

Бронза медал:
— 57 кг: Шукуржон Аминова
— 81 кг: Арслон Тожиев.