Бектемир Мелиқўзиевнинг навбатдаги жанг санаси маълум бўлди

Супер ўрта вазн тоифасида рингга чиқадиган ўзбекистонлик профессионал боксчи Бектемир Мелиқўзиевнинг навбатдаги жанг санаси аниқ бўлди. Бу ҳақда спортчи ўзининг ижтимоий тармоқдаги саҳифаси орқали маълум қилди.

Унга кўра, спортчи 30 май куни АҚШнинг Невада штати, Лас Вегас шаҳридаги Virgin Hotels мажмуасида рингга кўтарилади. Ўша куни ўзбекистонлик чарм қўлқоп устасига америкалик Дарюс Фулгҳем рақиблик қилади.

Мазкур жанг супер ўрта вазн тоифасидаги WBA Элиминатори мақомида бўлиб ўтади. Ушбу баҳс ғолиби кейинги жангини айнан титул учун ўтказади. Мелиқўзиев айни дамда ушбу ташкилот рейтингида учинчи ўринни эгаллаб турган бўлса, Фулгҳем тўртинчи поғонада бормоқда.

Маълумот учун, Бектемир фаолияти давомида ҳозирга қадар 16 та жанг ўтказиб, 15 та ғалаба (10 КО) ва 1 та мағлубият қайд этган. Дарюс ҳисобида 14 та жангда қўлга киритилган 14 та ғалаба (12 КО) бор.

Манба: daryo.uz