Шпагачимиз Богота Гран-присида бронза медалига сазовор бўлди

Колумбиянинг Богота шаҳрида қиличбозликнинг шпага йўналиши бўйича Гран-при турнири бўлиб ўтди. Қувонарлиси, унда Ўзбекистон терма жамоаси аъзоси Вадим Анохин бронза медалини қўлга киритди.

Ҳамюртимиз саралаш босқичида Исроил, Гонконг, Италия, Чехия вакилларини мағлубиятга учратишга эришди. Бироқ ярим финалда қозоғистонлик Руслан Курбановга 14:15 ҳисобида имкониятни бой берди ва мусобақани учинчи ўрин билан якунлади.

Манба: olympic.uz