Наоя Иноуэ юқори вазнга кўтарилиши мумкинлигини маълум қилди

Иккинчи энг енгил вазн тоифасида япониялик мутлақ жаҳон чемпиони Наоя Иноуэ дивизион билан боғлиқ ўзгаришлар ҳақида гапирди.

«Ярим енгил вазн (57,1 кг) — менинг чегарам. Мен юқори вазн тоифасига ўтишга қизиқмайман. Агар менинг бўйим 170 см бўлганида эди, бу бошқа масала бўларди.

Аммо қанча вазнга эга бўлишимнинг физиологик чегараси бор. Ҳатто иккинчи энг енгил вазнда ҳам мен аста-секин мушакларни йиға бошладим, жисмоний ҳолатимни ривожлантирдим ва қийинчиликларга дуч келдим. Мен ҳали ярименгил вазн тоифасида ўзимни синаб кўрмадим, ундан юқорироқ дивизионлар ҳақида ўйлай олмайман», деди Иноуэ.

Май ойи бошида Наоя америкалик Рамон Карденасни 8-раундда техник нокаут билан мағлуб этганди. У энди 14 сентябрь куни Токиода ҳамюртимиз Муроджон Аҳмадалиев билан жанг қилади.

Манба: The Ring