Ёш таэквондочиларимиз жаҳон чемпионатида олтин ва бронза медалларини қўлга киритишди

БААдан хушхабар. Кадетлар ўртасида ўтказилаётган таэквондо WT бўйича жаҳон чемпионатининг бугунги куни терма жамоамиз учун муваффақиятли ўтди. Муросасиз баҳсларда ҳамюртларимиз 1 та олтин ва 1 та бронза медалларига сазовор бўлишди.

— 65 кг вазн тоифасида иштирок этган Никита Бибиков барча рақибларини мағлубиятга учратиб, олтин медални қўлга киритди. Бибиков финалда эронлик Амир Ағамоҳаммадидан устун келди.

Шунингдек, қизлар ўртасида — 41 кг вазн тоифасида Райҳона Асанбоева ярим финалгача етиб келиб, бронза медали соҳибига айланди.

Шу тариқа, терма жамоамизнинг ушбу мусобақада ҳозиргача жамғарган медаллари 2 та олтин ва 1 та кумушни ташкил этмоқда.

Манба: olympic.uz