Икки нафар оғир атлетикачимиз Осиё чемпионатида совриндор бўлди

Хитойнинг Жиангшан шаҳрида ўтаётган оғир атлетика бўйича Осиё чемпионатида Ўзбекистон терма жамоаси навбатдаги медалларига сазовор бўлди. — 81 кг вазн тоифасида қатнашган ҳамюртларимиз Ригина Адашбаева ҳамда Мадина Файзуллаева ўз номларини совриндорлар қаторига қўшиб қўйишди.

Жумладан, Ригина Адашбаева даст кўтаришда 104 кг натижа билан бронза, ҳамда иккикурашда 224 кг жамғарган ҳолда 2 та бронза медалига сазовор бўлди.

Мадина Файзуллаева эса силтаб кўтариш машқида 121 кг тошни бўйсундирган ҳолда кучли учликдан жой олди.

Манба: olympic.uz