Франциялик шахматчи билан дурангга эришган Абдусатторов Польша вакили билан куч синашади
Умумий мукофот жамғармаси 350 минг АҚШ долларидан иборат халқаро турнирнинг кеча ўтказилган 6-турида Нодирбек франциялик Максим Вашье-Лагравга қарши қора доналарда ҳаракатланди.
Учрашувнинг илк дона суришлариданоқ турнирда етакчилар қаторида бораётган Франция вакили 6-юриш ҳолатидан дурангга “рози” эканлигини кўрсатди ва томонлар 0,5 очкодан бўлишиб олишди.
Мазкур турда ўтказилган 5 та “дуэль”нинг 4 тасида муроса йўли танланган бўлса, фақат оқ доналарда Алиреза Фирузджа ва жаҳон чемпиони Гукеш Доммараджу қарама-қаршилигидаги баҳсда франциялик шахматчи устунликка эга бўлди.
Эслатиб ўтамиз, 9 та турдан иборат халқаро турнирда ғолибликка эришган шахматчи 100 минг, шунингдек баҳсларда дона сураётган қолган 9 нафар шахматчи эгаллаган қаторидан келиб чиқиб, белгиланган мукофот пуллари билан тақдирланади.
Турнир 16 майгача давом этади.