Қодировнинг дўсти илк бор UFC чемпионлиги учун жанг қилади

Ҳамзат Чимаев ўрта вазнда UFC чемпиони Дрикус ду Плессис билан жанг қилади. Жанг 18 август куни АҚШдаги UFC 319 турнирида бўлиб ўтади.

Чимаев кўп йиллар давомида UFCнинг энг яхши жангчиларидан бири бўлиб келган, бироқ соғлиғи билан боғлиқ муаммолар туфайли ҳеч қачон чемпионлик жангини ўтказмаган.

Айни пайтда у ўрта вазн тоифасида учинчи ўринни эгаллаб турибди.

31 ёшли Чимаев ўзининг 14 та ММА жангининг барчасида ғалаба қозонган, шулардан саккизтаси UFCда бўлиб ўтган.

2024 йил октябрь ойида ўтказилган сўнгги жангида у биринчи раундда ўрта вазн тоифасида собиқ UFC чемпиони австралиялик Роберт Уиттакерни мағлуб этганди.