Ливерпуль-2025. Фазлиддин Эркинбоев ярим финалга чиқди

Англиянинг Ливерпуль шаҳрида бўлиб ўтаётган бокс бўйича жаҳон чемпионатининг чорак финал босқичидан ўрин олган Ўзбекистон вакили иштирокидаги навбатдаги жанг бўлиб ўтди.

Эркаклар ўртасида — 75 кг вазн тоифасида Фазлиддин Эркинбоев бельгиялик Ҳамза Сририга қарши жанг қилди. Ҳамюртимиз ҳар учала раундда тўла устунликка эришди ва рақибини қийинчиликсиз мағлубиятга учратди — 5:0 (30:27, 30:27, 30:27, 30:27, 30:27).

Шу тариқа, Эркинбоев ярим финалга йўл олиб, камида бронза медалини кафолатлади.

Манба: stadion.uz