Оғир атлетика. Акбар Жўраев даст кўтаришда жаҳон рекордини ўрнатди

Айни пайтда оғир атлетика бўйича жаҳон чемпионати бўлиб ўтмоқда ва эркаклар ўртасида 110 кг вазнда даст кўтариш йўналиши якунланди.

Ўзбекистонлик спортчи Акбар Жўраев 196 кг штангани кўтариб, жаҳон рекордини ўрнатди! У 2-ўриндаги рақибини нақ 8 килога ортда қолдирди.

Яна бир ҳамюртимиз Руслан Нурудинов эса 186 кг натижа билан 4-ўринни эгаллади.

Бироздан кейин силтаб кўтариш йўналишига старт берилади.

Манба: stadion.uz