Ўзбекистонлик спортчи Акбар Жўраев барча йўналишлар (даст кўтариш, силтаб кўтариш ва умумий)да олтин медални қўлга киритди — 196 + 232 = 428 кг.
Жўраев 196 кг натижа билан даст кўтаришда жаҳон ўрнатганини таъкидлаш лозим. У силтаб кўтариш машқининг учинчи уринишида 245 кг.га буюртма берди, аммо у штангани кўтара олмади. Акс ҳолда барча йўналишларда жаҳон рекордчисига айланар эди.
Шу тариқа, Акбар Жўраев уч карра жаҳон чемпионига айланди. Аввалроқ у 2021 (Тошкент) ва 2023 (Ар-Риёд) йилларда ҳам олтин медалга сазовор бўлганди.
Жаҳон чемпионатида эронлик Алиризо Насирий силтаб кўтаришда 231 кг. штангани кўтара олди ҳамда силтаб кўтариш ва умумий ҳисобда (415 кг.) кумуш медални қўлга киритди.
Яна бир ҳамюртимиз Руслан Нурудинов силтаб кўтариш (228 кг) ва умумийда (414 кг) бронза медалларига сазовор бўлди. Руслан даст кўтаришда 186 кг натижа билан 4-ўринни эгаллаган эди.
Манба: stadion.uz
© Yangiliklar24 . All Rights Reserved.