UFC. Дана Уайт Александр Волковга UFC чемпионилик камари учун жанг қилишни кафолатлашдан бош тортди

UFC президенти Дана Уайт оғир вазн тоифасидаги ташкилот рейтингида иккинчи ўринда турган россиялик Александр Волковга 120 кг гача бўлган вазн тоифасида чемпионлик камари учун жанг қилишни кафолатламади. Бу Волков ватандоши Ризван Куниеевга қарши жангда ҳакамларнинг якдил қарори билан ғалаба қозонганидан кейин содир бўлди. Жанг UFC 333 турнири доирасида Абу-Дабида бўлиб ўтди.

— Волковнинг чиқишини қандай баҳолайсиз? Энди унга чемпионлик камари учун жанг берасизми?

— Волков яхши жанг ўтказди. Кейин нима бўлишини кўрамиз, — деди Уайт матбуот анжуманида.

Куниеев устидан ғалаба қозонган Волков шу тариқа UFCдаги ғалабали сериясини кетма-кет учта жангга етказди.