Қозоғистонлик боксчи: «Навбаҳор Ҳамидованинг кучига етарли баҳо бермагандим...» (видео)

Истанбул шаҳрида ўтказилаётган аёллар ўртасидаги жаҳон чемпионатида кеча ўзбек-қозоқ дуэли юзага келди. 66 кг. вазн тоифасида иштирок этаётган ҳамюртимиз Навбаҳор Ҳамидова илк босқичда қозоғистонлик Дариға Шакимовага қарши жанг олиб борди. Ўзбекистонлик боксчи ушбу жангда 3:2 ҳисобида ғалаба қозониб, кейинги босқичга йўл олди.

Рио — 2016 олимпиадасида бронза медалини қўлга киритган Шакимова мағлубият сабабини қуйидагича изоҳлади.

«Ҳа, ғалаба қозонишни ҳаддан ташқари истагандим ҳамда рақибга етарли баҳо бермадим. Дарҳол кучли зарбалар беришни истагандим. Аммо ниятимни амалга ошира олмади. Шунча меҳнат қилдим, аммо биринчи жангимни ютқазиб қўйдим. Боз устига, унчалик кучли бўлмаган рақибга. Билмадим, балки кўп меҳнат қилиб юборгандирман. Ишончни оқламаганимдан албатта афсусдаман. Аммо биз қилаётган меҳнат шунчаки ҳавога учиши мумкин эмас. Олдинда ҳали кўп мусобақалар бор. Ушбу хатодан хулоса чиқарамиз ва кейинги натижалар бошқача бўлади», — деди Шакимова.

Манба: sports.kz

Ҳамидова — Шакимова жангини қуйида томоша қилишингиз мумкин.