Истанбул-2022. Ярим финалга қайси давлатдан қанча боксчи етиб келди?

Туркияда бўлиб ўтаётган бкос бўйича аёллар ўртасидаги жаҳон чемпионатида чорак финал босқичи якунига етди. Ўзбекистонлик икки нафар спортчи ярим финалга чиқишга муваффақ бўлди.

Бу борада Туркия яққол етакчи бўлиб турибди. Мезбонларнинг 7 боксчиси ярим финалгача етиб келишди. Иккинчи ўрин эса Қозоғистонга тегишли — 5 спортчи. Таиланд ва Ҳиндистоннинг 3 нафардан боксчилари медалларни қўлга киритадиган бўлишди. Ўзбекистонда ташқари яна 7та мамлакат ярим финалда икки боксчи билан иштирок этадиган бўлди.

Чорак финал иштирокчилари мамлакатлар кесимида:

7 нафар — Туркия
5 - Қозоғистон
3 - Ҳиндистон, Таиланд
2 - Ўзбекистон, Италия, Бразилия, Ирландия, Польша, Жазоир, Канада, Мозамбик
1 - Австралия, Аргентина, Болгария, Испания, Хитой Тайпейи, Колумбия, Руминия, Франция, Косово, Литва, Марокаш, Нидерландия, Панама, АҚШ.

Ярим финал жанглари 18 май куни ўтказилади. Азиза Ёқубова (50 кг.) колумбиялик Валенсия Викторияга қарши, Моҳира Абдуллаева (81+ кг.) эса марокашлик Хаижа Мардийга қарши рингга кўтарилади.

Манба: stadion.uz