[ sport ] 8 Yanvar 2022

ФИДE рейтингида юртимиз шахматчилари қайси ўринларни эгаллаб туришибди?

Халқаро шахмат федерациясининг ҳар ой якунида эълон қилинадиган рейтингида классик шахмат йўналишида айни дамда ТОР — 100дан биргина шахматчимиз ўрин олган. Ҳисоб бўйича 17-жаҳон чемпиони, халқаро гроссмейстер Рустам Қосимжонов 2 659 балл билан 82-ўриндан жой олган. У 1979 йилда Тошкент шаҳрида туғилган ва 2004 йилги Ливияда ўтказилган жаҳон чемпионати ғолиби саналади.

Ёш, умидли шахматчиларимиз бўлмиш Нодирбек Абдусатторов, Жавоҳир Синдаров, Нодир Ёқуббоев ва Шамсиддин Воҳидовлар ҳали ТОР — 100га киришмаган бўлсада, улар ўсмирлар тоифасида дунё рейтингида пешқадамлар сафидан жой олиб туришибди. Жумладан, рапид йўналишида жаҳон чемпионлигини қўлга киритган Н.Абдусатторов ва Ж.Синдоров кучли ўнталикда қайд этилгани ҳар бир юртдошимизга фахр ва ифтихор бағишлайди.

Маълумки, ФИДE ўсмирлар шахматчининг рейтинг ўринларини алоҳида ҳисоблаб боради. 20 ёшгача бўлган энг кучли 100 нафар ёш шахматчи рўйхатидан бирйўла 4 нафар ҳамюртимиз ўрин олган:

7. GM Нодирбек Абдусатторов (2004) – 2641 балл,

9. GM Нодирбек Ёқуббоев (2002) – 2630,

14. GM Жавоҳир Синдоров (2005) – 2609,

24. GM Шамсиддин Воҳидов (2002) – 2536.

Айни пайтда Ўзбекистоннинг энг кучли 10 нафар шахматчиси қуйидагича кўриниш олган:

1. GM Рустам Қосимжонов (1979 йилда туғилган) – 2659,

2. GM Нодирбек Абдусатторов (2004) – 2641,

3. GM Нодирбек Ёқуббоев (2002) – 2630,

4. GM Жавоҳир Синдоров (2005) – 2609,

5. GM Жаҳонгир Воҳидов (1995) – 2552,

6. GM Шамсиддин Воҳидов (2002) – 2536.

7. GM Андрей Квон (1989) – 2527.