Бокс. Соро - Мадримов жанги натижаси бекор қилинадими?

17 декабрь куни Тошкентда бўлиб ўтаётган профессионал бокс кечаси доирасида Исроил Мадримов ва Мишел Соро ўртасидаги жанг бўлиб ўтди. Ҳамюртимиз жангнинг 9-раундида рақибини техник нокаутга учратиб, ғалаба қозонган эди. Аммо мазкур баҳсда юз берган вазият ўша пайтда ҳам, кейинроқ ҳам эътирозларга сабаб бўлди.

Гап шундаки, 9-раунд сўнгида ҳамюртимиз фаоллашди ва рақибни арқонга қисиб олиб, кетма-кет зарбалар бера бошлади. Бу орада раунд якунлангани ҳақида чалинган бонгни на ҳакам ва на Мадримов эшитди. Шу боис, Исроил зарбаларнинг бир нечтаси бонгдан сўнг йўллади. Рефери эса техник нокаут қайд этилганига ишора қилиб, жангни тўхтатди.

Шундан сўнг жанг ташкилотчилари вазиятни узоқ вақт муҳокама қилишди ҳамда Исроилга беришга қарор қилишди.

Соронинг адвокати Девид Берлин WBA ташкилотига ариза билан мурожаат қилиб, Исроил Мадримов билан жанг натижасини ўзгартиришни сўраган. WBA ташкилоти комиссия аъзолари яқин кунлар ичида бу ҳолатни яхшироқ ўрганиб чиқишади.

View this post on Instagram

A post shared by DAZN Boxing (@daznboxing)

Манба: stadion.uz