[ sport ] 23 Yanvar 2022
Пекин Олимпиадасига ташриф буюрган меҳмонларнинг 72 нафарида коронавирус аниқланди
Олимпиада ўйинларининг матбуот хизмати тарқатган маълумотга қараганда, 4-22 январь кунлари оралиғида Хитойга 2586 нафар (171 нафар спортчилар ва 2415 бошқа шахслар) Олимпиада иштирокчилари ташриф буюришди. Уларнинг барчаси мамлакатга ташриф буюришлари биланоқ ПЦР-тест топширишди ва уларнинг орасида 39 нафар инсонда коронавирус аниқланди.
Олимпиада карантин зонасида 336 451 дона ПЦР-тест олинган ва уларнинг 33 таси мусбат натижа берган. Уларнинг орасида коронавирусга чалинган спортчилар йўқ.
Шу тариқа, Хитой давлатига ташриф буюрган меҳмонлар орасида 72 нафар коронавирусга чалинганлар аниқланган.