Лейк-Плесид-2023: Фигурали учувчиларимизнинг иштироки якунланди

АҚШнинг Лейк-Плесид шаҳрида XXXI Бутунжаҳон қишки Универcиада ўйинлари давом этмоқда. Айни пайтга келиб, делегациямиздан 2 нафар фигурали учувчи мусобақадаги иштирокини тугатди.

Дастлаб эркаклар ўртасидаги баҳсларда Азизмурод Шабазов қисқа дастурдаги чиқишини намойиш этди. Унинг ҳаракатлари ҳакамлар томонидан 36.31 балл билан баҳоланди.

Аёллар ўртасидаги беллашувларда эса Нигинабону Жамолиддинова 39.37 баллни қўлга киритди. Афсуски, ҳамюртларимизнинг бу натижаси эркин дастурга йўл олиш учун камлик қилди.

Манба: olympic.uz