Бокс-2023. Мелиқўзиев илк жангида ғалаба қозонди

Тошкентдаги бокс бўйича жаҳон чемпионатида тўртинчи куннинг кечки жанглари бошланди. Энг енгил вазн тоифасидаги (48 кг) вакилимиз Шодиёржон Мелиқўзиев илк саралаш босқичида непаллик Рабин Тапага қарши рингга кўтарилди.

Рақиб ҳам яхши техникага эга бўлганига қарамай, ҳамюртимиз уч раунд давомида тўлиқ устунликка эришди ва 5:0 ҳисобида ғалаба қозонди — 30:27, 30:27, 30:27, 30:27, 30:26.

Мелиқўзиев нимчорак финал босқичида қозоғистонлик Санжар Ташкенбайга қарши жанг олиб боради. Шодиёржон ўтган йили бўлиб ўтган U22 чемпионати финалида ушбу рақибга ютқазганди.

Манба: stadion.uz