Бокс-2023. Руслан Абдуллаев техник нокаут эвазига биринчи раунддаёқ ғалаба қозонди

Тошкентда бўлиб ўтаётган бокс бўйича эркаклар ўртасидаги жаҳон чемпионатида бугун тўртинчи кун жанглари ўтказилмоқда. Бугун ватандошларимиз орасида дастлаб Руслан Абдуллаев Испания вакили Оер Конде Ибарречега қарши рингга кўтарилди.

Руслан илк сонияларданоқ тажовузкор жанг бошлади ва бўлим ярмига етмасдан рақибини 2 марта нокдаун ҳолатига тушириб қўйди. Шундан сўнг испаниялик мураббийлар рингга сочиқ ташлаб, жангни тўхтатишди. Акс ҳолда Ибаррече жиддий жароҳат олиши мумкин эди.

Шу тариқа, Руслан Абдуллаев турнирдаги иккинчи ғалабага эришди ва нимчорак финалга чиқди. Ҳамюртимиз бу босқичда Санатали Толтаев (Қозоғистон ) / Ричарно Колин (Мавритания) жуфтлиги ғолибига қарши рингга чиқади.

Манба: stadion.uz