Ханчжоу-2022'да бешинчи олтин: Музаффарбек Тўрабоев Осиё ўйинлари чемпиони!

Ўзбекистон делегацияси ғазнаси яна бир олтин медаль билан бойиди. Байроқдоримиз Музаффарбек Тўрабоев дзюдо бўйича — 100 кг вазн тоифасида чемпионликни қўлга киритиб, ушбу Осиё ўйинларидаги бешинчи олтин медалимизни келтирди.

Ҳамюртимиз қизиқарли кечган финал баҳсида мўғулистонлик Гончигсурен Батхуягни иппон баҳоси билан мағлубиятга учратди.

Шу тариқа, Ўзбекистон делегацияси ҳисобидаги олтин медаллар сони бештага етди. Шунингдек, ҳисобимизда 6 та кумуш ва 8 та бронза медаллари бор.

Манба: stadion.uz