Тошкентда бир аёл автобуснинг очиқ эшикларидан тушиб кетиб, жиддий жароҳат олган. "Тошшаҳартрансхизмат" ҳозирча сукут сақламоқда

Ўзбекистон, Тошкент – Batafsil.uz. Тошкентда йўналишли автобусда кўнгилсиз ҳодиса юз берган. Эшиклар очиқ бўлганда ҳарақатланиш блокировкаси ўчирилгани оқибатида аёл автобусдан тушиб кетган ва бу ягона ҳолат эмас. Бу ҳақда мухбиримиз хабар бермоқда.

10 декабрь куни содир бўлган ва фожиали якунланишига сал қолган бу воқеа ижтимоий тармоқларда тарқалиб кетган хабарлар туфайли маълум бўлди.

Қорасув — 1 массивидаги бекатлардан бирида 50 ёшли аёл 50-сонли автобуснинг зинасига кўтарилган. Эшикларни ёпмасдан, автобус кескин жойидан силжиган ва олдинга қараб юриган. Аёл йиқилиб, қаттиқ урилган, унга тиббий ёрдам кўрсатилган. Энди у жарроҳлик муолажага муҳтож бўлиб қолган.

Аниқланишича, бу Тошкент автобусларида эшиклар очиқ бўлганда ҳаракат блокировкасини ўзбошимчалик билан ўчириб қўйиш одатий ҳол экан. Ва бундай ҳолатлар деярли ҳар куни содир бўларкан.

«Бугунги деярли фожиага олиб келган воқеа автобусларимизда эшиклар очиқ бўлганда ҳаракат блокировкаси ўзбошимчалик билан ўчирилганлигини эслашга мажбур қилади»,-деб ёзишмоқда ижтимоий тармоқлар фойдаланувчилари.

Шифокорларнинг таъкидлашича, деярли ҳар куни чиқиш/тушиш пайтида йиқилишдан жароҳат олган бир нечта автобус йўловчилари олиб келинаркан.

Жабрланган аёлга тезроқ соғайишини тилаймиз ва ушбу воқеа ҳақида ҳозирча изоҳ бермаган «Тошшаҳартрансхизмат» компаниясининг шарҳларини кутиб қоламиз.

Ўзбекистон бўйлаб янгиликлар: Telegram-каналга уланинг