Нурсултон Рўзибоевнинг UFC'даги иккинчи жанги тасдиқланди

Ўзбекистонлик MMA жангчиси Нурсултон Рўзибоев (36-8-2) UFC промоушенидаги навбатдаги жангини 30 март санасида ўтказади.

Рўзибоев АҚШдаги UFC Fight Night турнирида Седрик Дюмага (9-1) қарши жанг қилади.

Эслатиб ўтамиз, Нурсултон 2023 йилнинг 2 июль куни UFC’даги дебютини ўтказганди. У бразилиялик енгилмас жангчи Бруно Феррейрани (10-1) биринчи раунддаёқ нокаут билан мағлуб этди.

Дюма UFC’даги 3 та жангда қатнашиб, 2 та ғалабага эришган. Биттасида мағлуб бўлган. Охирги жангини 2023 йил октябрида Абу Азайтарга қарши ўтказган ва очколар ҳисобига кўра ғалаба қозонган эди.

Манба: daryo.uz