Қашқадарёда йўлдан ўтиб кетаётган ЙПХ ходимларини ҳақорат қилган эркаклар қамалди
Улар ҳеч бир сабабсиз хизмат вазифасини бажараётган ходимларни қўпол сўзлар билан ҳақорат қилиб, видеога олишган.
«7 январь куни ўртоқларим билан йиғилдик. Ичиб олгандик, йўлдан ўтаётган ЙПХ ходимларини видеога олиб, ҳақорат қилиб, маҳалламиз гуруҳига жўнатдик. ЙПХ ходимларига адоватим йўқ. Узр сўраймиз», — дейди эркаклардан бири.
Судланувчиларнинг қолганлари ҳам маст ҳолатда бўлишгани, қилган ишидан чин кўнгилдан пушаймонлигини билдиришди.
ЖИБ Косон туман судида мазкур эркакларга нисбатан қарор чиқарилди. Унга кўра, уларнинг ҳар бирига МЖтКнинг 183 ва 194-моддаси 1-қисми билан 10 суткадан маъмурий қамоқ жазоси тайинланди.