Бокс. 2024 йилги Осиё чемпионатларининг сана ва манзиллари эълон қилинди

Осиё бокс конфедерацияси турли ёш тоифаларида ўтказиладиган Осиё чемпионатларининг сана ҳамда манзилларини ошкор қилди.

Унга кўра, 2024 йилда биринчи бўлиб, 22 ёшгача бўлган боксчилар ҳамда ёшлар ўртасидаги Осиё биринчилиги ташкил этилади. Мусобақа 25 апрел — 10 май кунлари Қозоғистоннинг Остона шаҳрида бўлиб ўтади.

21 август — 3 сентябр кунлари эса, Бирлашган Араб Амирликларининг Абу-Даби шаҳрида ўсмирлар ҳамда мактаб ёшидаги ўғил-қизлар ўртасида Осиё чемпионати ўтказилади.

Катталар ўртасидаги Осиё чемпионатининг ўтказилиш санаси 30 ноябр — 12 декабр кунлари этиб белгиланган. Мусобақага Иорданиянинг Амман шаҳри мезбонлик қилади.

Манба: https://t.me/boxinguzbekistan