Бокс. Лицензион турнирда бугун 4 вакилимизнинг жанги бор

Италиядаги лицензион турнир доирасида бугун 4 нафар боксчимиз кейинги босқич учун рингга кўтарилади.

Дастлаб — 66 кг вазнда Навбаҳор Ҳамидова мусобақадаги илк баҳсини ўтказади. Унга эса грециялик Параскеви Мавроммати рақиблик қилади. Баҳс Тошкент вақти билан тахминан 15:15 да старт олади.

Иккинчи баҳсда эса Сабина Бобоқулова ҳам турнирдаги илк жангида рингга кўтарилади. Унинг рақибаси сингапурлик Даниша Матиалаган. Ушбу жанг Тошкент вақти билан 19:45 да бошланади.

Куннинг боксчиларимиз иштирокидаги учинчи баҳсида, — 80 кг вазнда Тўрабек Ҳабибуллаев польшалик Рафал Пержински билан кейинги босқич масаласига ойдинлик киритишади. Боксчилар Тошкент вақти билан тахминан 22:00 да рингга чиқиб келишади.

Боксчиларимиз иштирокидаги сўнги баҳсда Ситора Турдибекова — 57 кг вазнда Чехия давлати вакиласи Люси Седлачкова билан баҳс олиб боради. Жанг Тошкент вақти билан 01:15 дан бошлаб старт олади.

8 март куни жанг қиладиган ўзбекистонлик боксчилар:

— 66 кг. Навбаҳор Ҳамидова — Параскеви Мавроммати (Греция) — 15:15.

— 50 кг. Сабина Бобоқулова — Даниша Матиалаган (Сингапур) — 19:45.

— 80 кг. Тўрабек Ҳабибуллаев — Рафал Пержински (Польша) — 22:00.

— 57 кг. Ситора Турдибекова — Люси Седлачкова (Чехия) — 01:15.

Манба: stadion.uz