Самарқандда Италия бош вазири Жоржа Мелонини расмий кутиб олиш маросими бўлди

Самарқанд шаҳрида Ўзбекистонга расмий ташриф билан келган Италия бош вазири Жоржа Мелонини расмий кутиб олиш маросими бўлди. Бу ҳақда Ўзбекистон президенти матбуот хизмати хабар қилди.

Конгресс маркази олдидаги майдонда фахрий қоровул саф тортди. Ўзбекистон президенти Шавкат Мирзиёев олий мартабали меҳмонни самимий қарши олиб, шоҳсупага таклиф этди.

Ҳарбий оркестр икки давлат мадҳияларини ижро этди. Етакчилар фахрий қоровул сафи олдидан ўтиб, расмий делегациялар аъзоларини қутладилар. Шундан сўнг олий даражадаги музокаралар бошланди.

Фото