WBA янги рейтингида 3 та боксчимиз тенгсиз

Бутунжаҳон бокс ассоциацияси (WBA) июнь ойи якунига кўра, профессионал боксчиларнинг янгиланган рейтингини эълон қилди. Қувонарлиси, ушбу жадвалдан мамлакатимизнинг 8 та боксчиси жой олди.

Аниқроқ айтадиган бўлсак, биринчи ярим енгил вазндаги Муроджон Аҳмадалиев вақтинчалик чемпион дея эътироф этилди.

Шаҳрам Ғиёсов ярим ўрта вазн тоифасида ҳамда Бектемир Мелиқўзиев супер ўрта вазнда ўтган ойдаги каби биринчи ўринда қолди.

Отабек Холматов ярим енгил вазнда учинчи поғонадан жой олган бўлса, Исроил Мадримов супер ярим ўрта вазн тоифасида кучли бешликни якунлаб берди.

Шунингдек, минимал вазн тоифасида жанг қиладиган Ҳасанбой Дўсматов ва биринчи ярим енгил вазнда Муҳаммад Шехов 9, Сирочбек Исмоилов енгил вазнда 12-ўринда қайд этилди.