Яккабоғ туманига янги ҳоким тайинланди

Қашқадарё вилоятининг Яккабоғ тумани ҳокими этиб Абдинаби Камолович Ғиёсов тайинланди, дея хабар бермоқда вилоят ҳокимлиги.

Абдинаби Камолов 1963 йил Яккабоғ туманида туғилган, Бухоро озиқ-овқат ва енгил саноат технологияси институтини тамомлаган.

Тайинловга қадар у «Кумуш куз файзи» масъулияти чекланган жамияти шаклидаги агрофирма таъсисчиси лавозимида ишлаб келаётганди.

Камолов мазкур лавозимда 2020 йил майидан буён ишлаб келаётган Лутфиддин Абдуллаев ўрнини эгаллади.