Ливерпуль-2025. Фазлиддин Эркинбоев финалга йўл олди

Англиянинг Ливерпул шаҳрида ўтказилаётган бокс бўйича 2025 йилги жаҳон чемпионати 75 кг вазн тоифасида ўзбек боксчилари тўқнашуви кузатилди.

75 кг вазн тоифасида Фазлиддин Эркинбоев асли ўзбекистонлик боксчи, бир йилдан буён Озарбайжон шарафини ҳимоя қилаётган Саиджамшид Жафаровга қарши рингга кўтарилди.

Жангда устунликка эришган Эркинбоев 4:1 ҳисобида ғалаба қозониб, финалга йўл олди.

Финал 14 сентябрь куни ўтказилади. Унда Фазлиддинга болгариялик Киван Рами рақиблик қилади.