Тошкент вилоятидаги ишлаб чиқариш цехида йирик ёнғин чиқди
Тошкент вилояти ФВБнинг берган хабарига кўра, бугун, 8 ноябрь куни Тошкент вилоятининг Зангиота туманидаги ишлаб чиқариш цехларидан бирида ёнғин содир бўлган.
Маълум қилинишича, соат 10:46 да ФВБга туманнинг “Гулбоғ” МФЙда жойлашган ишлаб чиқариш цехларининг бирида ёнғин содир бўлаётгани тўғрисида хабар келиб тушган. Шунга кўра, 5 та ёнғин-қутқарув экипажи соат 10:50 да ёнғин жойига етиб бориб, ҳозирда ёнғинни бартараф этиш ишлари амалга оширилмоқда.
Тан жароҳати олганлар тўғрисида маълумот келиб тушмаган.
Тошкент вилояти ФВБнинг қўшимча қилишича, ёнғин 11:40 да қуршаб олинган. 11:58 да ёнғин тўлиқ бартараф этилган.