Теннис. Сергей Фомин Манамада финалга чиқди

Баҳрайн пойтахти Манама шаҳрида теннис бўйича M25 таснифига кирувчи турнирда ҳамюртимиз Сергей Фомин финал босқичига йўл олди.

Мамлакатимизнинг иккинчи рақамли теннисчиси Сергей Фомин мусобақанинг чорак финалида германиялик Нино Эхреншнейдерни 7:6, 1:6, 6:0 ҳисобида таслим этган бўлса, ярим финалда яна бир германиялик теннисчи Максимилян Хомберг устидан 6:4, 6:1 ҳисобида зафар қучди.

Шу тариқа, Сергей Фомин сўнгги ҳал қилувчи финал баҳсида польшалик Олаф Печковски билан куч синашади.