Конституциявий суд ислоҳ қилинмоқда: Президент Фармонида нималар назарда тутилган?
Президент Шавкат Мирзиёев Ўзбекистон Республикаси Конституциявий суди фаолиятини янада такомиллаштириш чора-тадбирларига оид Фармонни имзолади.
Мазкур ҳужжатнинг асосий мақсади — Конституциявий суд фаолиятини сифат жиҳатидан янги босқичга олиб чиқиш, фуқароларнинг конституциявий одил судловга эришиш имкониятларини кенгайтириш ҳамда суд ишларини юритишда шаффофлик ва самарадорликни оширишдан иборат.
Фармон билан Конституциявий суд фаолиятини рақамлаштириш, фуқаролар ва юридик шахсларнинг Конституциявий судга мурожаат қилиш тартибини соддалаштириш, давлат органлари фаолияти устидан таъсирчан конституциявий назоратни таъминлаш назарда тутилган.
Ҳужжат Ўзбекистонда суд тизимидаги ислоҳотларни янги босқичга олиб чиқиши, мамлакатимизда қонун устуворлигини таъминлашга хизмат қилиши кутилмоқда.