Бокс. Жошуа Фюрини жангга чорлади

Ўта оғир вазн тоифасида IBF, WBA, WBO, IBO йўналишлари бўйича собиқ жаҳон чемпиони британиялик Энтони Жошуа таниқли ҳамюрти Тайсон Фюрига ультиматум қўйиб, у билан жанг ўтказиш учун атиги 24 соат вақт борлигини маълум қилди.

«Мен бу аҳмоққа саккиз ҳафта муҳлат бераман (кулади). Шартнома имзолаш учун 24 соат. Кўрамиз, у нималарга қодир экан», — дея Жошуанинг сўзларини келтиради BoxingScene портали.

Жошуа 36 ёшда. Профессионал боксда британиялик боксчи 2013 йилдан бери рингга кўтарилади. Унинг ҳисобида 29 та ғалаба, шундан 26 таси муддатидан олдин ва 4 та мағлубият бор.